الكل واقف فى ذهول من سكايار علطول علطول
أخويا الكبير أوى سكايار شكرن بجد مصيتنى ومظبطنى
وكده يعنى ربنا معاك ويوفقك وشكرا على سؤالك ندخل بقه فى الموضوع
أنت مين؟
أنا رشدى سرحان أباظه أحدثكم من الساحل الشمالي الافغاني واحذرك ولن تنعم أمريكا
قصدي أني بنت مصريه شرقيه عصريه لو جالها فرصه في يوم تخلص بجديه
من أول الحضارات رسمت طريقها بجد وفى شدة الازمات اخلاصها مالوش زى
بحب الضحك وبكره النكد وبس
مين أكتر ست شخصيات بتحبهم؟
ياااااااه سته بس ماينفعش أكتر شويه
يعنى انتى بتدفعى من دمك زوديهم شويه بس يالا ده المطلوب أمرنا لله
وعلى رأيى خالتى أم عايده الناس مدرات
أول مدار بيشيل اتنين هما ستى أم ابويا وون ترو ثنج أختى
تانى مدار بيشيل كام 8 يبقى دول بقه بنات العائله خوخه وساسوا لخيط الرفيع
وكائن نورانى وبتانستو وريم وهمبكاوى والآء وطبعا لمى
تالت مدار بيشيل كام بقه16يبقى بقه دول مين طبعا أخواتى الكبار أوى حلاوه
وعاشق الروح وسكايار ويوسف خورى ويوسف المخيف ومستكنيص واللهو الخفى مامادو وديو برايت وبطوطه طبعا
وثوره وكلماتى وطبعا بقه اصحابى بتاعوا ابتدائى يارا ونورا
وبتوع الاعدادى(هدى ويمنى وهند) أصحابى الانتيخ بس بقه كفايه كده
أنت سعيد؟
اه الحمد لله مفيش حاجه فى الدنيا تستاهل انى أزعل عليها
او أنزل دمعه علشانها غير حاجه واحده بس وخلاص بقه الحمد لله على كل شى
لو اجتمعت أنت وحسنى مبارك تقوله ايه؟
سيد الحبايب يا ضنايا انت اعمل لآخرتك ياسيد الناس الدنيا منفاتة
الدنيا خربانة والله خربانة دامت لمين
لو معاك مليون ونصف هتعمل ايه؟
أول حاجه ابنى مدرسه محترمه زى بتاعه الهدى والنور وأحسن منها فى بلقاس
تانى حاجه بقه اسفلت الشارع بتاعنا اللى عمره مايتسفلت بقه مانا قلبى الطيب
شايفين الشفافيه عطيه الساعتى
تالت حاجه أشترى سوبر ماركت أحلى من بتاع عمو قدرى بدل مانسرقه
أنا ويوسف المخيف لو اتسرق ياجماعه
يبقى أحنا اللى سرقينه شايفين بنعترف على نفسنا شفافيه شفافيه
رابع حاجه أشترى توكتوك علشان أسوقه
لانى طول عمرى بحلم اشترى توكتوك وأسوقه
فكنت بقول لحلاوه أنا عاوزه اشتغل على توكتوك
قالى اشترى التوكتوك الاول
قلتله ممكن اشتغل مع عمو أسامه قريب أمى اللى بيودينى المدرسه
قالى أحبك تشتغلى حره مع نفسك علشان يقسم معايا
عسل وربنا في أخ كده
رحت لون ترو ثنج أختى العقله الكبيره
تقلى هتستفيدى من كده ايه ؟
هستفيد انى أوصل البنات بدل ماكل يومين والتانى بنت تتخطف يحصلها حاجه
تقولى طول عمرهم الستات حاسسين بنقص ولعن الله المتشبهين بالرجال
خامس حاجه أشترى لحمدى ابن أخت ديو برايت
قص ولزق بدل ماهو بيحوش علشان يشتريه
واشتريله الاتوبيس اللى عاوز يسوقه ويركب فيه هيفا ونانسى وروبى
وأشترى ليوسف سامح جالكسى ولثوره اسنوكيرررررز بس يدوب يكفوا
بتحب مصر؟
لا عملتلى ايه مصر
مش هقولك بقه بحبها وتحيا الوحده الوطنيه
وماشربتش من نيلها لا بقولها وبكل صراحه لا ده قرار نهائى
ليه بقى بكرها لا وفرتى تعليم مناسب ولا اى حاجه ولا شغل لما اتخرج
طول عمرى فى مدرسه خاصه رحت وانا فى الاعدادى مدرسة حكومة
طبعا انابقه آخر فصل فى المدرسه يعنى فصل طاير معندناش فصل
فين فصلنا ياجماعه
فيه الكتب لحد ماتخلص والعيال تستلم
هتاخدوا فصلكوا قعدنا شهر من غير فصل لحد المخزن يخلص من الكتب
وعلى كده ندخل نلاقى الفصل بادراج ده الادراج فى الدور التالت نطلع نجبها
فين الداده تطلع تجبهم مش ده شغلها اطلعوا هاتوها
وهو ده بقه نظام التعليم فى مصر
وعلى كده بعد ما اتخرج هشتغل
عند أمه يا آدهم كفايه بقه أنا كده طولت فى السؤال ده
بتحب البنات ؟
بتحب البنات ؟
اه طبعا ده اللى عنده بنتين أو أكتر بيدخل الجنه والبنات دول نعمه المفروض يتحطوا جوه العيون
ايه أكتر موقف محرج اتعرضت له؟
اه أول يوم العيد
قرايبنا كلهم عندنا واخوات أمى وكده وكلنا عند تيتا وأخوالى موجودين وولادهم
دخلت سلمت على أخوالى أخوات أمى وبعدين لقيت خال ليا كده قريبها من بعيد
انا كنت لسه متحجبه جايه أسلم عليه يقوم يقولى بصوت عالى ادام الناس دى كلها
لايجوز شرعا لا يجوز شرعا أولا أنا ماكنتش أعرف أن السلام باليد حرااااااام
وتانيا ماكنتش أعرف أنه مش بيسلم هو كده أصلا بيشوه صوره الاسلام
كان ممكن يسلم عليا بطراطيف صوابعه بدل مايبقى منظرى كده ادام الناس
وصوته بقه اللى يوقع الدهاااااان من على الحيطااان وبالراحه كان يقولى بس
ايه أكتر أمنيه نفسك ربنا يحققهالك؟
أنى أبطل أسمع أغانى وتانى حاجه أحفظ القرآن كله
أما عن التاج ده ....أمرره لمين؟
كوكو الضعيف ويوسف المخيف وهمبكاوى
أنا فصلت معدتش قادرة أكمل اتكلمت كتير مش بفصل أنا
كوكو الضعيف ويوسف المخيف وهمبكاوى
أنا فصلت معدتش قادرة أكمل اتكلمت كتير مش بفصل أنا
زماااااانكوا فصلتوا وزهقتوا لك لك لك مش بفصل صح
بس معلش سلاااااااام
23 comments:
عرفتكم انتم بقة اللي محتلين البلوج سبوت
أنا كنت باحسبه واحد أتاريها سلالة كاملة
يلا مرحبا بكم
وبعدين موقف السلام ده فعلا كان ممكن يقول لك بطريقة لطيفةشوية
بس احنا سمعنا منك وانت أكيد إحراج الموقف أثر عليك
وامنعي الأغاني لازم القرآن يدخل قلبك على طول مكانها
إجاباتك حلوة أوى يا....ملكة
بس أنا إتخضيت من موقفك ضد مصر
لا يا يارا إوعى تكرهى مصر فى يوم من الأيام
أه إحنا ممكن نزعل منها
بس مفكرتيش ليه مصر بقت كده؟!بذمتك لو فى واحد يهودى أو أمريكانى قعد يهاجم مصر ، شوفى بقى هتردى عليه و تطلعى عينه و لا لأ،لازم تفهمى يا يايويو إن فى محاولات لسرقة الهويةالمصرية و لو كرهتى مصر بجد هيبقى الحثالة نجحوا فى اللى بيخططولوا بقالهم سنين
معلش الحكاية قلبت نكد
مع السلامو عليكوا
تعظيم سلام لجلاله الكوين الكبرى
بجد الاجابات جمده اوى
و بعدين تكرهى مصر
يااااااه
لا يا كوين
مصر هى امى
و بعدين
حمدى قرب يكسب المليون عشان يشتر الباص و خلاص هيجيب التوك توك
ممكن تبقى تركبى معاه من غير ما يحيى يعرف عشان يقسم معاكى
بس ساعتها انا الى هقسم معاكى
و يوسف مستنى الجلاكسى
يلا
بــــــــــيـــــــــس
فعلا أميرة و ملكة
ربنا يكملك بعقلك
و يبعد عنك العدوة
و تفضلى بعقلك كده
اجابات زى العسل
على فكره انا بدخل هنا اغير جو و اغير مووود و اغير زيت و ازود بنزين كمان
يريور الامور
توحفه يا بت ايه الابداع ده؟
كان مستخبى فين
احنا مبطلناش ضحك يا صياعه
كل اجاباتك جميلة ولذيذة
انا عرفت مين هو اللى قال لا يجوز شرعا
ربنا يسامحه بقى
اشتريلك انا التكتك يا حببتى ياه
دنتى تؤمرى
ربنا يخليكى لبنات مصر
اما بقى مدرستى حببتى صعب اوى تعملى زيها
يا بنتى دى كانت دنيا لوحدها
مزيد من الروعة يايويو
يا حرااااس
بلغوا الملكة إني عايز أعلق عندها
مولاتي الملكة بلغني أنا التاج جميييييل جدن وربنا يوفقك في امنياتك هدعيلك وشعبي شعب مملكة الحياة هيدعيلك معايا
وبالنيابة عن الناس اللي مش بيسلموا باليد على الناس التانيين بعتذرلك وبقولك كنتي اقطعي ايده
تشكرات تشكرات
سلالم
السلام عليكو
والله اشكرك يا يارا على الإجابات بس الى مش عجبنى ان انت مبتحبيش مصر مش علشان موفرتلكيش الحاجات دى تبقى متحبيهاش فى ناس تانية هى الى سرقة البلد ومخلياها اسوء مماكنت لكن مصر كبلد هى تتحب اوىىىىىىىىىىىىى
بس يريت كلامى ميزعلكيش
اخبار الحيوان الكولمن ده ايه انا لما شربت منه لقيتة مسقع لك
المهم سلميلى عليه
سلالالالالالالالالالام
اولا بهنيكي علي المدونه بجد دمها خفيف وجميله ربنا يوفقك بس قوليلي هنا في حد مبيحبش مصر مكنش العشم يشيخه
طب مصر ذنبها ايه العيب في الحكومه مش في مصر
كده اكيد مصر زعلت منك
عصفور المدينه
هى مش قضيه وحضرتك تسمع منى وتسمع منه وتحكم لا هو الموضوع وبكل بساطه أنه كان ممكن كان يقول بطريقه ألطف وأظرف من كده بس وموضوع الاغانى ان شاء الله بحاول أبطله بس دعواتكم
شكرا لتشريفك
.......................................
همبكاوى هانم
يادى النور يادى النور همبكاوى عندنا أهلا بالناس اللى ناجحين وعلطول رافيعن رأسنا فى المنطقه كلها
والله أنا مش قصدى أنى بكره مصر كدوله أنا بكره اللى بتعمله مصر فى الناس
وهرجع تانى أقولك وفرت أيه مصر
يعنى حد يصدق أن مصر عندها نهر النيل والسد العالى ومشروع توشكى وفى ناس مش واصل لها ميه وفى سنه 2013 الناس مش هتلاقى نقطه الميه اذا ماحفظتش على نقطه الميه دلوقتى بس دى وجهة نظر
شكرا لتشريفك
ماشى ماشى يعنى كدة بقى أنا فى المدار
الرابع و لا الخامس أخواتى اه
تفتكريهم لكن أنا لأ بس والله البوست
الجامد والحاجات اللى أنتى عايزاهم
بالمليون و النص أكيد هيخلصوا و كمان
ممررتيش عليا التاج كمان ده فى تغيرات
لازم تتعمل يا يعك(بطلع لسانى)
يلا سلاااااااااااام
هوستا بيه
أولا مش تدخل تقول
أزيك عامله ايه ؟ايه البقين الحامضنين دول كبر دماغك يابنى طيب مانا حطه حلاوه فى المدار الآخير على كده أنى مش بحبه زى اللى فوق وأكتر ياخرابى عقل عيال تانى حاجه على حكايه تمرير التاج أنت ماكنتش لسه عملت بلوجيه ماأنت لوكنت بتدخل وتشوف أنا عامله ايه وتسأل كنت هتعرف أنا باعته أمتى
شكرا لتشريفك
الووووووووو
ازيك يا بت
وحشتينى والله
تعالى الحقى اخوكى بققو
دااحنا مقطعينه
والمهم انه مبيتلمش
بجد التاج زى العثل
مبطلناش ضحك واحنا بنقراه
وخصوصن الموقف المحرج بتاع السلام
خدى بالك حصللى انا كمان نفس الموقف من عمو دا برده
بس ساعتها كان واقف جنبى اخو بابا قاللى ولا يهمك اسلم عليكى انا
بس انا كنت فاكراكى هتقولى موقف (المتبولى )
هههههههههه
حاجه تشرفنا اننا نكون فى مداراتك يا باشا
انتو قلبننا ليه بقالكو كام يوم
ابقو اوجو
LA YA YARA LAZEM TE7AWLY TEB2E EGABEYA BADAL MA TEKRAHY EL BALADE
FAKARY EH ELSABAB FE ENAHA WE7SHA WE WAGEHY GHADABEK NA7YETO
7ARBEH LE7AD MA YE7EL 3ANENA
تعالوا ياعيال دول صحابي وقرايبي علي فكرة
تعالوا اهو هناك اهو
ايوة بص هناك كده
في المدار التالت اسمي اهو
هيييييييييييييه
الله يبارك فيكوا يارب
عقبالكوا كده اما الملكة تحدفكوا في اي مدار ولو حتي مدار الجدي
يالا اتكلوا بقي مش شفتوني وانا متصيت
سلام بقي سيبوني اعلق
هقول ايه يعني؟
هقول ايه؟
دماغ نضيفة اوي
روعة تحفة
جميل
كله كلام زي بعضه
فانا هقول بس ان المدونة دي علي راس المفضلين ليا
وبس كفاية
2هللللللللللللللو ياكوين وحشتيني
يخرب عقلك فعلا
في السحاب يا مولاتي
انا بهنيكي انك لحد النهاردة لم تتأثري بالجو اللي حوليكي ربنا يحميكي
ويطري الجو اللي حوليكي
مامادو
أهلا أهلا بالكابتن الكبير
والله ياجماعه أنا مش بكره مصر كدوله أنا بكره اللى بتعمله مصر فى الشعب بس
اما بقه على حمدى هو يكسب المليون منين من وراى خلاص ياحمدى كل شى مابينا انتهى
وكمااااان يعنى أنا أخلص من حلاوه تطلعلى انت يامامادو
اما بقه على يوسف والجالكسى لما يبقى معاى المليون ونصف يعنى فى المشمش
سلاااام يابرنس
عاشق الروح
ياااااااااااولكم ياميت ولكم
بس على فكره أنا عندى البنزين غالى أعمل حسابك بقه فى الفلوس
سلاااااام يابرنس
.....................................
كائن نورانى
وانا اقول الكهرباء ليه زايده فى البلوج اتاريكى هنا
ده والله أقل ماعندى
انتى وعدتنى أنك هتجيبى التوكتوك ادبستى ياحلوه الزياره الجايه تيجى ومعاكى التوكتوك
اتفقنا
سلااام يابرنس
موالى سكايار
رساله من جلاله الملكه الى الوالى سكايار
يادى النور يادى النور ده شرف لجلاله الملكه انك ترد عندها وزاد البلوج نور والله
سلاااام يابرنس
...........................................
المخيف
ايه الكلاااام اللى أنت بتقوله ده أنا بحب الرئيس
لو سمحت يامخيف ماتشتمش الكولمن بتاعى
شكرا لزيارتك
سلاااام يابرنس
هلسوعك وهعلم عليك
الأميره ميرامار
ياولكم ياميت ولكم أنا مش مصدق نفسى يالمبى
ايه ده الأميره ميرامار عندنا
والله ياجماعه بحبهااااااااااااا
ايه ده انتى كده ياميرامار هتخلنى اقلب عليكى ايه الكلام ده حكومه وايه ده خلينا كويسين أحسن
نورتينا
سلااااااام سابرنس
بتانستو
يادى النور يادى النور
ماتفكرنيش باليوم ده ده كان حتت يوم فظيع والمهم انى ببص له فى المرايه وكانه هو اللى غلطان وانتى ايه حظك بومب
كنتى جوه
والله يابوتانستو ده انا اللى اتشرف انكوا من المدرات عندى
شكرا لزيارتك
سلاااااااااام يابرنس
مستكنيص بيه
والله بتحرج الملكه بذوقك ده الكله تتشرف انك عندها من المدرات
ربنا يكرمك على الكلام الجميل ده شكرن
والملكه بتعتذرعن الهزار والاسم
وشكرا لزيارتك
سلاااااام يابرنس
الخيط الرفيع
والله الملكه خايفه على نفسها أحسن تتاثر بلى حوليها فبتحاول تخفف عنهم
وادعولى بقه أحسن تتنقل ليا العدوه
شكرا لزيارتك
سلااام يابرنس
اجاباتك دمها خفيف قوى
Post a Comment